Krysztof Piatek, framherji Genoa í Seríu A á Ítalíu, segir að Cristiano Ronaldo sé besti leikmaður allra tíma.
Piatek er 23 ára gamall framherji sem kom til Genoa í sumar frá Cracovia í Póllandi. Hann skoraði 21 mark á síðasta tímabili og heldur áfram að gera góða hluti þetta tímabilið.
Hann er markahæstur í Seríu A með 9 mörk og þá skoraði hann fjögur mörk í bikarnum fyrir Genoa á dögunum. Hans menn mæta Juventus um helgina en hann talar afar vel um Cristiano Ronaldo.
Ronaldo kom til Juventus frá Real Madrid í sumar og er þegar farinn að sýna hæfileika sína á Ítalíu.
„Cristiano Ronaldo er besti leikmaður heims í dag og að mínu mati er hann besti leikmaður allra tíma," sagði Piatek.
Mörg félög hafa áhuga á því að fá Piatek en Juventus er einmitt eitt þeirra.
Athugasemdir