Federico Zancan, blaðamaður á Sky Italia, segir að Jose Mourinho, knattspyrnustjóri Manchester United, sé enn í hættu á að missa starf sitt.
United gerði frábæra hluti í síðasta deildarleik gegn Newcastle en eftir að hafa lent 2-0 undir tókst liðinu að koma til baka og vinna 3-2.
Þetta reyndust mikilvæg úrslit fyrir landsleikjahlé en næsti leikur er gegn Chelsea um helgina.
Zancan á Sky Italia heldur því fram að ef Mourinho tapar gegn Chelsea þá missi hann starf sitt og stýri því ekki liðinu gegn Juventus í Meistaradeild Evrópu.
„Sigurinn gegn Newcastle faldi vandamál þeirra aðeins. Leikurinn gegn Chelsea um helgina er töluvert alvarlegri og þá á liðið Juventus í næstu viku í Meistaradeildinni," sagði Zancan.
„Samband hans við félagið er ekki gott og fleiri neikvæð úrslit gætu þýtt það að hann stýrir ekki liðinu gegn Juventus," sagði hann í lokin.
Athugasemdir