Íslenska landsliðskonan Amanda Andradóttir var valin efnilegust hjá norska félaginu Vålerenga fyrir þetta ár. Félagið tilkynnti um valið á Instagram-síðu sinni í gær.
Amanda er aðeins 17 ára gömul en hún samdi við Vålerenga undir lok síðasta árs eftir að hafa spilað fyrir Nordsjælland í Danmörku.
Hún vakti mikla athygli fyrir frammistöðuna í sumar og skoraði fjögur mörk í fimmtán leikjum.
Þá vann hún bikarinn með liðinu en þetta var annað árið í röð sem Vålerenga vinnur keppnina.
Amanda spilaði þá sína fyrstu A-landsleiki í undankeppni HM í bæði september og október en hún er besti ungi leikmaður ársins hjá kvennaliðinu í ár.
Athugasemdir