Jesse Lingard, leikmaður Manchester United á Englandi, mun yfirgefa félagið næsta sumar en þetta kemur fram í frétt Times í kvöld.
Spiltími Lingard hjá United hefur verið af skornum skammti á þessari leiktíð og hefur hann einungis spilað 154 mínútur í öllum keppnum.
Englendingurinn spilaði afspyrnuvel með West Ham síðari hluta síðustu leiktíðar og hjálpaði liðinu að komast í Evrópukeppni en snéri til Man Utd aftur eftir lándsvölina.
Lingard hefur verið í viðræðum við United um nýjan samning síðustu vikur en samkvæmt Times þá slitnaði upp úr viðræðunum á dögunum.
Það virðist því fátt kom í veg fyrir að Lingard yfirgefi United næsta sumar en West Ham, Everton, Leicester og Newcastle eru meðal þeirra liða sem hafa áhuga á að fá hann.
Athugasemdir