Sænski framherjinn Zlatan Ibrahimovic hefur komist að samkomulagi við Milan um að framlengja samninginn út næsta tímabil en þetta kemur fram á forsíðu La Gazzetta dello Sport.
Zlatan, sem fagnaði 40 ára afmæli sínu í október, er með samning út þetta tímabil.
Hann hefur skorað þrjú mörk og lagt upp önnur tvö í aðeins átta leikjum. Zlatan glímdi við meiðsli í byrjun leiktíðar en er búinn að ná sér að fullu.
Samkvæmt forsíðu Gazzetta dello Sport í dag þá er Zlatan búinn að ná samkomulagi við Milan um að framlengja samning hans út næsta tímabil.
Zlatan mun skrifa undir samninginn í byrjun næsta árs. Hann mun væntanlega leggja allt í sölurnar til þess að Svíþjóð komist inn á HM en Svíar verða í umspilinu í mars og er þetta líklega síðasta stórmótið hjá kappanum.
Athugasemdir