Mynd: EPA

Leao er gríðarlega eftirsóttur eftir að hafa verið valinn sem besti leikmaður Serie A á síðustu leiktíð. Hann er gríðarlega gæðamikill leikmaður og er í landsliðshóp Portúgal sem fer á HM.

„Við vildum gera nýjan samning við Rafa Leao fyrir HM en það var því miður ekki mögulegt," sagði Maldini við Sky Italia.

„Við höfum verið að vinna að þessu í marga mánuði. Við munum hittast og ljúka viðræðum þegar tíminn er réttur."

Leao er 23 ára gamall og á eitt og hálft ár eftir af samningi sínum við Milan. Chelsea er meðal félaga sem vill festa kaup á Leao en Milan er sagt vilja yfir 100 milljónir evra til að selja stórstjörnuna sína.

Leao er búinn að skora 7 mörk og gefa 9 stoðsendingar í 20 leikjum á tímabilinu. Á síðustu leiktíð átti hann 14 mörk og 12 stoðsendingar í 42 leikjum.