Það styttist óðfluga í hina sívinsælu Afríkukeppni, sem hefst 21. desember og stendur til 18. janúar.
Keppnin kemur til með að hafa áhrif á flest félög í ensku úrvalsdeildinni, en spútnikliðið Sunderland finnur eflaust mest fyrir því, þar sem sjö leikmenn liðsins fara til Marokkó á mótið.
Þá er topplið Arsenal með enga fulltrúa úr sínum röðum á mótinu, eins og Chelsea og Leeds.
Liverpool missir aðeins einn leikmann, en það er Mohamed Salah. Manchester City missa tvo leikmenn, Omar Marmoush og Rayan Aït-Nouri, en þeir hafa báðir verið lítið með vegna meiðsla.
Grannar þeirra í United munu missa þrjá leikmenn og verður hægri vængur liðsins án lykilmanna í Mbeumo, Amad Diallo og Mazraoui.
Tottenham gæti misst tvo miðjumenn, Pape Sarr og Yves Bissouma, þó sá síðarnefndi hafi ekki spilað á tímabilinu. Botnlið Úlfanna munu að öllum líkindum missa fimm leikmenn á mótið og fjórir þeirra eru reglulegir byrjunarliðsmenn.
