Dublin fótbrotnaði hjá Rauðu djöflunum en gerði góða hluti hjá Coventry og Aston Villa í kjölfarið. Hann var fenginn sem álitsgjafi á Sky Sports þegar verið var að ræða um enska boltann í gærkvöldi.

Umræðan barst að Liverpool og hollenska miðverðinum Virgil van Dijk, sem varð dýrasti miðvörður heims þegar hann var fenginn yfir í enska boltann í janúar.

„Ég held að hann gæti auðveldlega spilað á miðjunni. Hann er það góður fótboltamaður," sagði Dublin.

„Hann er með svo góðan fótboltaheila að hann gæti spilað á miðri miðjunni. Það er auðveldara fyrir hann að spila sem miðvörður því hann er svo mikill klettur en hann er nægilega rólegur og teknískur til að gera góða hluti á miðjunni."

Til gamans má geta að Dublin hóf ferilinn sem miðvörður.