Alfreð lagði upp
Topplið Borussia Dortmund heimsótti nýliða Fortuna Düsseldorf sem eru í fallbaráttunni í þýska boltanum í kvöld.
Dodi Lukebakio kom heimamönnum yfir eftir ótrúlega auðvelda skyndisókn í fyrri hálfleik og tvöfaldaði Jean Zimmer forystuna skömmu eftir leikhlé með sannkölluðu undramarki.
Paco Alcacer kom af bekknum og minnkaði muninn niður í eitt mark en það nægði ekki og fyrsta tap Dortmund á tímabilinu staðreynd.
Paco bætti þó met í þýsku deildinni því þetta var hans tíunda mark af bekknum og er hann markahæstur í deildinni með tólf mörk.
Borussia Mönchengladbach lagði Nürnberg að velli og er nú aðeins sex stigum á eftir Dortmund og þá átti Alfreð Finnbogason stoðsendingu í 2-2 jafntefli Augsburg gegn Hertha Berlin.
Alfreð lék fyrstu 60 mínútur leiksins og gerði vel að koma boltanum á Koo Ja-Cheol sem gerði jöfnunarmark Augsburg seint í fyrri hálfleik.
Wolfsburg er þá komið í Evrópusæti eftir sigur á fallbaráttuliði Stuttgart. Christian Gentner, fyrirliði Stuttgart, lék allan leikinn þrátt fyrir andlát föðurs sins eftir sigur gegn Hertha Berlin um helgina.
Fortuna Dusseldorf 2 - 1 Borussia Dortmund
1-0 Dodi Lukebakio ('22 )
2-0 Jean Zimmer ('56 )
2-1 Paco Alcacer ('81 )
Borussia M'Gladbach 2 - 0 Nurnberg
1-0 Thorgan Hazard ('47 )
2-0 Alassane Plea ('86 )
Hertha Berlin 2 - 2 Augsburg
0-1 Martin Hinteregger ('8 )
1-1 Matthew Leckie ('28 )
2-1 Ondrej Duda ('31 )
2-2 Koo Ja-Cheol ('39 )
Wolfsburg 2 - 0 Stuttgart
1-0 Josuha Guilavogui ('24 )
2-0 Wout Weghorst ('44 )
Athugasemdir