Félagið vonast til að heimavöllurinn verði tilbúinn snemma eftir áramót, helst fyrir heimaleikinn í 16-liða úrslitum Meistaradeildarinnar gegn Borussia Dortmund.

Tottenham lét evrópska knattspyrnusambandið, UEFA, vita að félagið vildi helst spila í seinni leikjarunu 16-liða úrslitanna sem fer fram 19-20 febrúar. Fyrri leikjarunan fer fram viku fyrr og vill Tottenham spila síðar til að eiga meiri möguleika á að spila á nýja leikvanginum.

Aðildarfélög mega ekki biðja um sérstakar dagsetningar til að spila leiki sína og ákvað UEFA að gera enga undantekningu í tilfelli Tottenham. Heimaleikur liðsins gegn Dortmund mun því fara fram miðvikudaginn 13. febrúar.

Það er enn óákveðið hvar heimaleikurinn mun vera spilaður. Daniel Levy, eigandi Tottenham, býst við að ákvörðun verði tekin í byrjun janúar þegar frekari uppfærsla af gangi mála í leikvangasmíðum berst.