sun 18. desember 2022 15:41
Brynjar Ingi Erluson
Messi markahæstur og búinn að slá tvö met
Lionel Messi leyfði sér að fagna þessu marki
Lionel Messi leyfði sér að fagna þessu marki
Mynd: EPA
Argentínski snillingurinn Lionel Messi er nú markahæsti maður heimsmeistaramótsins með sex mörk eftir að hann kom Argentínu yfir gegn Frökkum í úrslitaleiknum.

Messi skoraði úr vítaspyrnu á 23. mínútu sem Angel Di María fiskaði en þetta var sjötta mark hans á mótinu og fimmta mark hans úr vítaspyrnu.

Hann hefur nú skorað á öllum stigum mótsins. Hann skoraði í riðlakeppninni og er búinn að skora í öllum leikjunum í útsláttarkeppninni.

Messi er eini leikmaðurinn sem hefur náð þeim áfanga. Hann er þá sá leikmaður sem hefur skorað og lagt upp flest mörk samtals á HM eða 20 mörk talsins.

Ótrúlegt afrek. Eins og staðan er núna er Messi að kveðja heimsmeistaramótið með stæl.




Athugasemdir
banner
banner
banner
banner