Olivier Giroud er farinn af velli
Didier Deschamps, þjálfari franska landsliðsins, var rétt í þessu að skipta þeim Olivier Giroud og Ousmane Dembele af velli þegar fimm mínútur eru eftir af fyrri hálfleik í úrslitaleik HM.
Lestu um leikinn: Argentína 7 - 5 Frakkland
Argentína hefur verið með öll völd á leiknum og er komið í 2-0. Fyrsta markið var eftir klaufalegt brot Dembele á Angel Di María.
Lionel Messi skoraði úr vítinu. Þá kom seinna markið eftir laglega skyndisókn eftir að Dayot Upamecano missti boltann frá sér og keyrðu Argentínumen fram sem endaði með því að Di María skoraði með laglegu skoti framhjá Hugo Lloris.
Deschamps sá sig tilneyddan til að breyta aðeins um kerfi og skipta tveimur leikmönnum af velli. Giroud og Dembele þurftu að víkja og inn komu þeir Marcus Thuram og Randal Kolo Muani.
Dembele hafði átt slakan leik í liði Frakklands og virtist ekki tengdur í þessum fyrri hálfleik og er skiptingin skiljanleg. Deschamps vildi setja Mbappe upp á topp og þurfti því Giroud að víkja til að kerfið gangi upp.
Didier Deschamps bregst strax við og gerir tvöfalda skiptingu hjá Frökkum á 41. mínútu. Hann er ekkert að bíða eftir hálfleiknum. Dembele og Giroud fara út fyrir Thuram og Kolo Muani. pic.twitter.com/nd8VR8OlxE
— RÚV Íþróttir (@ruvithrottir) December 18, 2022
Athugasemdir
