Bakvörðurinn Trent Alexander-Arnold hefur tekið hröðum framförum hjá Liverpool og nú er þessi tvítugi leikmaður búinn að gera nýjan samning við félagið.

Liverpool staðfesti á heimasíðu sinni í morgun að nýr samningur væri í höfn og haft er eftir Alexander-Arnold að hann sé mjög stoltur og hlakki til komandi afreka með uppeldisfélagi sínu.

Alexander-Arnold skrifaði síðast undir samning 2017 en hann hefur fest sig í sessi í hægri bakverði Liverpool og spilaði á HM síðasta sumar.