Hodgson sneri aftur á gamla heimavöllinn.
„Ég er mjög stoltur af liðinu," sagði Roy Hodgson, stjóri Crystal Palace, eftir 4-3 tap gegn Liverpool í ensku úrvalsdeildinni í dag.
Crystal Palace leiddi 1-0 í hálfleik, en Liverpool sýndi karakter og kom til baka í seinni hálfleiknum.
„Við fengum á okkur slæm mörk. Fjórða markið átti ekki að standa þar sem það var klár hendi í aðdraganda þess. Ég er vonsvikinn fyrir hönd strákanna."
„Þeir eru með ótrúlega leikmenn, þú veist að þetta verður erfitt og mun krefjast mikils aga. Við gerðum vel að jafna í 2-2 og minnka muninn í 4-3 eftir mjög ósanngjarnt mark."
„Við héldum okkur við okkar plan og ég ætti að vera hérna að óska strákunum til hamingju með að fá eitthvað út úr leiknum."
„Það hafa verið svo margir leikir á þessu tímabili þar sem við höfum átt skilið meira en úrslitin segja til um."
Athugasemdir
