Real Madrid vann frábæran sigur á Sevilla þegar liðin mættust í deild þeirra bestu á Spáni í dag. Real hefur verið í vandræðum á þessu tímabili og þurfti á sigri að halda í dag.

Það gekk erfiðlega hjá Madrídingum að brjóta ísinn en það tókst loks á 78. mínútu. Þar var að verki miðjumaðurinn Casemiro með þrumufleyg.

Fagnaðarlætin voru mikil á Santiago Bernabeu og þau urðu enn hærri þegar Luka Modric skoraði annað markið í uppbótartíma. Miðjumennirnir að sjá um þetta fyrir Real í dag.

Lokatölur 2-0 og er Real nú komið upp fyrir Sevilla í þriðja sæti deildarinnar.