Gríska félagið PAOK er í viðræðum við Rostov í Rússlandi um kaup á landsliðsmiðverðinum Sverri Inga Ingasyni.
Gríski fjölmiðillinn segir frá þessu en Morgunblaðið greindi fyrst frá.
Talið er að PAOK sé tilbúið að borga 4 milljónir evra fyrir Sverri Inga.
Sverrir Ingi er 25 ára gamall og á að baki 26 landsleiki fyrir Ísland. Hann gekk í raðir Rostov sumarið 2017 og er samningsbundinn þangað til 2020.
Sverrir hefur verið mikilvægur hlekkur í liði Rostov, sem er í sjöunda sæti rússnesku úrvalsdeildarinnar. Hann er uppalinn í Breiðabliki, en hefur einnig leikið með Viking í Noregi, Lokeren í Belgíu og Granada á Spáni.
PAOK er á toppnum í Grikklandi með 41 stig eftir 15 leiki.
Athugasemdir