Douglas Ross, formaður skoska íhaldsflokksins, hefur verið áberandi í breskum fjölmiðlum að undanförnu en á dögunum sendi hann vantraustsyfirlýsingu vegna forsætisráðherra Bretlands Boris Johnson.
Ross krafðist þess að Boris yrði dreginn til ábyrgðar en hart er sótt að Johnson, sem er formaður Íhaldsflokksins, og hópur þingmanna flokksins er byrjaður að safna undirskriftum til að reyna að koma honum frá völdum.
Ross krafðist þess að Boris yrði dreginn til ábyrgðar en hart er sótt að Johnson, sem er formaður Íhaldsflokksins, og hópur þingmanna flokksins er byrjaður að safna undirskriftum til að reyna að koma honum frá völdum.
Douglas Ross hefur verið þingmaður á breska þinginu síðan 2017 en ásamt því að ná frama í pólitíkinni hefur hann starfað sem aðstoðardómari í skoka fótboltanum.
Sem aðstoðardómari hefur hann starfað á mörgum stórleikjum í Skotlandi og einnig á alþjóðlegum vettvangi, hann hefur dæmt í Meistaradeildinni og í landsleikjum.
Hann hefur oftar en einu sinni starfað á Laugardalsvelli, síðast þegar Ísland vann 1-0 sigur gegn Albaníu í undankeppni EM sumarið 2019.
Þegar mikið er að gera í pólitíkinni hefur Ross þurft að afþakka dómaraverkefni. Hann hefur fengið einhverja gagnrýni fyrir vera að dæma meðfram starfi sínu hjá þinginu en vill ekki leggja flaggið á hilluna.
Athugasemdir