Lionel Messi og Cristiano Ronaldo eru mögulega að mætast í síðasta sinn á ferlinum en Paris Saint-Germain og stjörnulið Al-Nassr og Al-Hilal etja kappi í Riyadh, höfuðborg Sádi-Arabíu, þessa stundina. Staðan er 2-1 fyrir PSG og eru þeir félagarnir báðir búnir að skora.
Ronaldo samdi við Al-Nassr undir lok síðasta árs og lauk þar með ferli sínum í Evrópu.
Þetta er fyrsti leikur hans í Sádi-Arabíu og vel við hæfi að mæta Messi.
Messi kom PSG yfir á 3. mínútu er hann lyfti boltanum yfir David Ospina í marki stjörnuliðsins en Ronaldo jafnaði metin með marki úr vítaspyrnu á 34. mínútu.
Juan Bernat fékk rauða spjaldið í liði PSG stuttu síðar en það skipti engu máli því Marquinhos kom franska liðinu aftur í forystu undir lok fyrri hálfleiks. Neymar gat komið PSG í 3-1, en hann klikkaði á vítapunktinum. Mörkin hjá Messi og Ronaldo má sjá hér fyrir neðan.
Sjáðu markið hjá Messi
Sjáðu jöfnunarmark Ronaldo
Athugasemdir