KSÍ hefur tilkynnt hvenær undanúrslitin í Lengjubikarnum fara fram en leikirnir verða spilaðir í Akraneshöllinni og á KR-vellinum.
Í fyrri undanúrslitaleiknum mætast ÍA og KA á fimmtudaginn næstkomandi klukkan 18:00 í Akraneshöllinni.
Í seinni undanúrslitaleiknum mætast KR og FH á laugardaginn næstkomandi klukkan 14:00 á KR-vellinum.
Valsmenn eru ríkjandi meistarar eftir 4-2 sigur á Grindavík í fyrra. KA er eina liðið í undanúrslitunum í ár sem einnig var í undanúrslitunum í fyrra.
Athugasemdir