Markvörðurinn Dino Hodzic er á leið í ÍA samkvæmt hlaðvarpsþættinum Ástríðan hér á Fótbolta.net.

„Dino Hodzic æfði með ÍA í gær, Aron Bjarki markmaður ÍA æfði með Kára á móti. Mjög líklegt að skiptin gangi í gegn í dag eða fljótlega eftir helgi #ástríðan" segir Ástríðan á Twitter.

Dino er 25 ára Króati sem gekk í raðir ÍA sumarið 2019 en skipti svo í Kára fyrir síðasta tímabil.

Hann hefur hafnað tilboðum úr efri deildum eins og kom fram í viðtali sem hann fór í fyrr á árinu.

Hjá ÍA á hann væntanlega að veita Árna Snæ Ólafssyni samkeppni um markvarðarstöðuna.

ÍA mun mæta Val í opnunarleik Pepsi Max-deildarinnar 22. apríl.