Það var rétt í þessu verið að draga í átta-liða úrslit Evrópudeildarinnar. Einnig var dregið í undanúrslitin á sama tíma.
Manchester United mun mæta Granada frá Spáni. Man Utd sló út AC Milan í 16-liða úrslitunum á meðan Granada hafði betur gegn Molde frá Noregi þrátt fyrir tap í gær.
Arsenal mætir Slavia Prag frá Tékklandi, Ajax og Roma eigast við og Dinamo Zagreb, sem vann magnaðan sigur á Tottenham í gær, spilar við Villarreal.
Arsenal og Manchester United gætu mögulega mæst í úrslitaleiknum í Póllandi. Það verður leikið í átta-liða úrslitunum 8. og 15. apríl næstkomandi.
8-liða úrslitin
Granada - Manchester United
Arsenal - Slavia Prag
Ajax - AS Roma
Dinamo Zagreb - Villarreal
Undanúrslitin
Granada/Man Utd - Ajax/Roma
Dinamo/Villarreal - Arsenal/Slavia Prag
Athugasemdir