Parma var nálægt því að rétta úr kútnum þegar liðið tók á móti Genoa í eina leik kvöldsins í ítalska boltanum.

Fallbaráttulið Parma kom á óvart og lagði Roma að velli í síðustu umferð. Í kvöld þurfti liðið annan sigur til að jafna næstu lið fyrir ofan að stigum, en svo fór ekki.

Heimamenn voru betri nánast allan leikinn og kom Graziano Pellé þeim yfir snemma leiks. Parma hélt forystunni þar til í síðari hálfleik, þegar Gianluca Scamacca var skipt inn.

Scamacca gerði jöfnunarmark fimm mínútum eftir innkomuna og náði svo að gera sigurmark gegn gangi leiksins á 69. mínútu.

Parma fékk góð færi til að breyta stöðunni en Mattia Perin var frábær í búrinnu og inn vildi boltinn ekki. Lokatölur 1-2 fyrir Genoa.

Parma er því fjórum stigum frá öruggu sæti á meðan Genoa siglir lygnan sjó um miðja deild.