Real Betis tók á móti Levante í spænska boltanum í dag og sýndi mikla yfirburði í fyrri hálfleik.

Betis fékk góð færi en inn vildi boltinn ekki og var staðan því markalaus þegar seinni hálfleikurinn var flautaður á.

Betis var áfram við stjórn og skoraði Fekir glæsilegt mark eftir stórkostlegt einstaklingsframtak á 70. mínútu.

Levante opnaði sig í kjölfarið og tók að sækja. Heimamenn nýttu sér það og tvöfaldaði Juanmi forystuna skömmu síðar.

Niðurstaðan verðskuldaður tveggja marka sigur Betis sem er í harðri baráttu um Evrópudeildarsæti. Levante siglir lygnan sjó, tíu stigum eftir Betis