Spá Fótbolta.net - 2. sæti: KR

Spáin:
1. Valur
2. KR 110 stig
3. FH 103 stig
4. Breiðablik 90 stig
5. Stjarnan 76 stig
6. ÍA 69 stig
7. KA 65 stig
8. Fylkir 45 stig
9. Grindavík 35 stig
10. ÍBV 34 stig
11.Víkingur R. 25 stig
12. HK 12 stig

Um liðið: KR rétt náði í Evrópusæti í fyrra eftir harða baráttu við FH. Liðið endaði í 4. sæti deildarinnar með jafn mörg stig og FH en betri markatölu. Liðið lítur vel út í aðdraganda Pepsi Max-deildarinnar og Rúnar Kristinsson virðist vera á réttri leið með liðið.

Þjálfari - Rúnar Kristinsson: Rúnar er að fara ï sitt annað tímabil með KR eftir að hafa verið erlendis í þjálfun árin á undan bæði í Noregi og í Belgíu. Rúnar er uppalinn KR-ingur og þegar ferli hans lauk sem atvinnumaður kom hann aftur heim í vesturbæinn. Rúnar hóf þjálfaraferil sinn hjá KR og stýrði liðinu til Íslandsmeistaratitils bæði 2011 og 2013. KR varð einnig bikarmeistari undir stjórn Rúnars 2011, 2012 og 2014.

Styrkleikar: KR-ingar hafa aukið breiddina í hópnum frá því í fyrra og mikil reynsla er í hópnum í bland við unga og efnilega leikmenn. KR-ingar geta boðið uppá fjölbreytilegan sóknarleik og skora mikið af mörkum. Á sama tíma var vörn þeirra gríðarlega sterk á undirbúningstímabilinu.

Veikleikar: Þeir mega ekki við miklum skakkaföllum varnarlega og þá eru auðvitað lykilmenn orðnir einu árinu eldri frá því í fyrra.

Lykilmenn: Pálmi Rafn Pálmason og Skúli Jón Friðgeirsson. Pálmi Rafn er einn reynslumesti miðjumaður deildarinnar og átti frábær tímabil í fyrra og var til að mynda í Úrvalsliði Pepsi-deildarinnar. Skúli Jón stýrir vörn KR og gerir það af miklum myndaskap.

Gaman að fylgjast með: Ægir Jarl Jónasson. Það verður gaman að sjá hvernig Ægir Jarl mun standa sig á sínu fyrsta ári hjá KR. Þrátt fyrir ungan aldur hefur hann leikið fjögur tímabil með Fjölni í efstu deild. Hann skoraði þrjú mörk í 15 leikjum með þeim í fyrra þegar þeir féllu. Nú er hann hinsvegar kominn í stærra félag og í toppbaráttu.

Spurningamerkið: Verða lykilmenn KR komnir með göngugrindina um mitt tímabil? KR býður upp á elsta liðið í deildinni.

Völlurinn: KR-völlurinn er klassískur en lítið hefur hinsvegar verið gert til að bæta umgjörðina þar undanfarin ár. Stúkan tekur rúmlega 3300 manns. Grasið er yfirleitt lengi að taka við sér á vorin.

Þjálfarinn segir - Rúnar Kristinsson
„Þetta er ósköp eðlileg spá. Spáin gerir allavegana ráð fyrir betri árangri en í fyrra en það á eftir að koma í ljós hvort úr verði. Við stefnum á það og við viljum gera betur en í fyrra. Við erum ágætlega sáttir með árangurinn í deildinni í fyrra við náðum því markmiði að komast í Evrópukeppni og nú þurfum við að bæta aðeins í og gera betur en í fyrra. Við viljum færast nær stóra markmiðinu sem er að verða Íslandsmeistarar og gera betur í bikarkeppninni. Það er algjörlega raunhæft markmið að stefna á Íslandsmeistaratitilinn við förum ekkert í grafgötur með það. Það er engin spurning að við erum með lið sem getur barist um titilinn. Við höfum bætt okkur og erum á fínu róli núna en auðvitað breytast hlutirnir þegar mótið hefst. Það er ekkert sjálfgefið að þó við höfum spilað vel á undirbúningstímabilinu að við gerum það endilega í Íslandsmótinu."

Komnir:
Alex Freyr Hilmarsson frá Víkingi R.
Arnþór Ingi Kristinsson frá Víkingi R.
Tobias Thomsen frá Val
Ægir Jarl Jónasson frá Fjölni

Farnir:
Albert Watson
Axel Sigurðarson í Gróttu (á láni)
Bjarki Leósson í Gróttu (á láni)
Óliver Dagur Thorlacius í Gróttu

Fyrstu fimm leikir KR:
27. apríl Stjarnan - KR
5. maí KR - ÍBV
12. maí KR - Fylkir
16. maí Grindavík - KR
20. maí KR - HK

Sjá einnig:

Leikmenn KR sumarið 2019:
1 Beitir Ólafsson
3 Ástbjörn Þórðarson
4 Arnþór Ingi Kristinsson
5 Arnór Sveinn Aðalsteinsson
6 Gunnar Þór Gunnarsson
7 Skúli Jón Friðgeirsson
8 Finnur Orri Margeirsson
9 Björgvin Stefánsson
10 Pálmi Rafn Pálmason
11 Kennie Knak Chopart
12 Ómar Castaldo Einarsson
13 Sindri Snær Jensson
14 Ægir Jarl Jónasson
16 Pablo Punyed
17 Alex Freyr Hilmarsson
18 Aron Bjarki Jósepsson
19 Kristinn Jónsson
20 Tobias Thomsen
22 Óskar Örn Hauksson
23 Atli Sigurjónsson
25 Finnur Tómas Pálmason

Spámennirnir: Arnar Daði Arnarsson, Arnar Helgi Magnússon, Benedikt Bóas Hinriksson, Daníel Geir Mortiz, Elvar Geir Magnússon, Guðmundur Aðalsteinn Ásgeirsson, Gunnar Birgsson, Hafliði Breiðfjörð, Magnús Már Einarsson, Tómas Þór Þórðarson