Joey Barton var á varamannabekk Fleetwood Town í dag er liðið gerði 1-1 jafntefli við Peterborough í ensku C-deildinni. Fyrir viku síðan var hann í haldi lögreglu eftir meinta líkamsárás gegn Daniel Stendel, stjóra Barnsley.
Barnsley lagði Fleetwood að velli 4-2 og heldur Stendel því fram að Barton hafi ráðist á sig að leikslokum. Barton er sagður hafa ýtt honum harkalega upp að járnröri. Stendel þurfti að fara til tannlæknis í flýti því tvær tennur sködduðust í átökunum.
Barton harðneitar því að hafa ráðist að Stendel en lögregla var kölluð á svæðið. Enskir fjölmiðlar segja að Barnsley hafi lokað svæðinu til að Barton kæmist ekki undan. Rannsókn málsins er enn í gangi og hafa menn frá báðum félögum verið boðaðir í yfirheyrslur.
Barton er sagður hafa kallað Stendel nasista eða þar eftir götunum og því er litið á árásina sem fordómafulla. Það eykur væntanlega refsingu Barton verði hann fundinn sekur.
Fleetwood er um miðja deild eftir jafnteflið, með 57 stig eftir 42 umferðir.
Sjá einnig:
Barton neitar sök
Twitter samfélagið trúir ekki Barton
Formleg kvörtun frá Barnsley
Í lagi með Stendel eftir líkamsárás Barton
Árás Joey Barton - Blóð flæddi úr andliti Stendel
Lögregla kom í veg fyrir að Joey Barton færi heim
Athugasemdir
