Fótbolti.net

fös 19. apríl 2019 05:55

Ívan Guðjón Baldursson

England um helgina - Tottenham getur eyðilagt tímabilið fyrir City

Mynd: Getty Images

Það er stútfull og æsispennandi helgi framundan í enska boltanum þar sem enn er hart barist um flest sæti deildarinnar. Lið eiga ýmist fjóra eða fimm leiki eftir á tímabilinu.

Englandsmeistarar Manchester City byrja helgina á risaslag gegn Tottenham. Mikið er undir og verða heimamenn í Manchester í hefndarhug eftir að hafa dottið úr Meistaradeildinni á heimavelli gegn Tottenham á miðvikudaginn.

Í þeim leik var mikil dramatík þar sem VAR myndbandstæknin kom að lokum í veg fyrir að City kæmist í undanúrslit. Sergio Agüero var þá rangstæður í þriðja marki Raheem Sterling, en 4-3 sigur nægði ekki fyrir heimamenn eftir 1-0 tap í fyrri leiknum.

Bæði lið þurfa sigur á morgun enda er City í titilbaráttu við Liverpool og Tottenham í fjögurra liða baráttu um Meistaradeildarsæti. Hafi gestirnir frá London betur hefur þeim mögulega tekist að eyðileggja tímabilið hjá Pep Guardiola og lærisveinum hans á nokkrum dögum.

West Ham tekur á móti Leicester á meðan Wolves fær Brighton í heimsókn. Newcastle og Southampton eigast svo við í síðasta leik laugardagsins.

Á sunnudaginn mætir Gylfi Þór Sigurðsson til leiks í erfiðum heimaleik gegn Manchester United. Everton er að berjast um sjöunda sætið en Rauðu djöflarnir eru í Meistaradeildarbaráttu.

Arsenal mætir svo Crystal Palace á sama tíma og fallbaráttulið Cardiff fær Liverpool í heimsókn. Bæði lið þurfa að sigra þennan leik en Cardiff er í fallsæti á meðan Liverpool trónir á toppi deildarinnar. Aron Einar Gunnarsson verður væntanlega í liði Cardiff enda hefur landsliðsfyrirliðinn verið meðal bestu manna liðsins á tímabilinu.

Chelsea og Burnley eigast að lokum við á mánudagskvöldið. Jóhann Berg Guðmundsson hefur byrjað undanfarna leiki á bekknum en Burnley er svo gott sem búið að tryggja sæti sitt í deildinni eftir gott gengi undanfarnar vikur. Talsvert meira er undir hjá Chelsea sem er í fimmta sæti.

Laugardagur:
11:30 Manchester City - Tottenham (Stöð 2 Sport)
14:00 Bournemouth - Fulham
14:00 Huddersfield - Watford
14:00 West Ham - Leicester
14:00 Wolves - Brighton
16:30 Newcastle - Southampton (Stöð 2 Sport)

Sunnudagur:
12:30 Everton - Manchester United (Stöð 2 Sport)
15:00 Arsenal - Crystal Palace
15:00 Cardiff - Liverpool (Stöð 2 Sport)

Mánudagur:
19:00 Chelsea - Burnley (Stöð 2 Sport 2)

		L	U	J	T	ms:	mf:	mun	Stig
1	Arsenal	34	24	5	5	82	26	+56	77
2	Liverpool	34	22	8	4	75	34	+41	74
3	Man City	32	22	7	3	76	32	+44	73
4	Aston Villa	34	20	6	8	71	50	+21	66
5	Tottenham	32	18	6	8	65	49	+16	60
6	Man Utd	33	16	5	12	51	50	+1	53
7	Newcastle	33	15	5	13	69	54	+15	50
8	West Ham	34	13	9	12	54	63	-9	48
9	Chelsea	32	13	8	11	61	57	+4	47
10	Bournemouth	34	12	9	13	49	60	-11	45
11	Brighton	32	11	11	10	52	50	+2	44
12	Wolves	34	12	7	15	46	54	-8	43
13	Fulham	34	12	6	16	50	54	-4	42
14	Crystal Palace	34	10	9	15	44	56	-12	39
15	Brentford	34	9	8	17	52	59	-7	35
16	Everton	34	11	8	15	36	48	-12	33
17	Nott. Forest	34	7	9	18	42	60	-18	26
18	Luton	34	6	7	21	47	75	-28	25
19	Burnley	34	5	8	21	37	69	-32	23
20	Sheffield Utd	34	3	7	24	33	92	-59	16