Hilmar hefur verið einn besti leikmaður deildarinnar undanfarin ár og því verða þetta að teljast frábærar fréttir fyrir Stjörnuna og Garðbæinga.

„Það er gríðarlega sterkt fyrir okkur Stjörnumenn að njóta krafta þessa öfluga leikmanns áfram enda lykilmaður í því að festa liðið enn frekar í sessi sem eitt af bestu liðum landsins," segir í fréttatilkynningu Stjörnunnar.

Hilmar Árni skoraði átján mörk á síðasta tímabili, sextán þeirra í deildinni.

Stjarnan mætir KR í fyrstu umferð Pepsi Max-deildarinnar laugardaginn 27. apríl næstkomandi.