Valur er spáð fyrsta sæti í Pepsi Max-deildinni í sumar. Samhliða spánni er einn leikmaður í hverju liði sem sýnir á sér hina hliðina.
Hjá Val er það Ívar Örn Jónsson sem sýnir á sér hina hliðina.
Þú getur keypt Ívar Örn í Draumaliðið þitt. Smelltu hér til að taka þátt í Draumaliðsdeild Eyjabita og Fótbolta.net!
Hjá Val er það Ívar Örn Jónsson sem sýnir á sér hina hliðina.
Þú getur keypt Ívar Örn í Draumaliðið þitt. Smelltu hér til að taka þátt í Draumaliðsdeild Eyjabita og Fótbolta.net!
Fullt nafn: Ívar Örn Jónsson
Gælunafn: Íbbi, Eve
Aldur: 25 ára
Hjúskaparstaða: Ég er á lausu
Hvenær lékstu þinn fyrsta leik með meistaraflokki: Veturinn 2010 með HK. Æfingaleikur á móti FH þar sem ég spilaði uppi á topp og skoraði með öxlinni, hef ekki fengið eina einustu mínútu sem framherji síðan.
Uppáhalds drykkur: Nocco Caribbean
Uppáhalds matsölustaður: Ginger
Hvernig bíl áttu: Skoda Octavia station
Uppáhalds sjónvarpsþáttur: Fer almennt mjög stefnulaust í gegnum Netflix. Sex Education heillaði þar nýlega og get alltaf gripið í Friends þó ég hafi gert minna af því síðustu ár.
Uppáhalds tónlistarmaður: Anderson Paak
Uppáhalds samskiptamiðill: Instagram
Fyndnasti Íslendingurinn: Wilhemlm Neto
Hvað viltu í bragðarefinn þinn: Lúxusdýfu, karmelluhúðað vöffluform, þrist, daim kúlur ofan á.
Hvernig hljómar síðasta sms sem þú fékkst: T-mobile að bjóða mig velkominn til Íslands. Rosalega boring.
Hvaða liði myndir þú aldrei spila með: FC Santa Coloma er neðarlega á lista.
Besti leikmaður sem þú hefur mætt: Ég og Jón Daði áttum í ótrúlegri stöðubaráttu á miðjunni í 0-0 jafntefli á kópavogsvelli árið 2011. Hann er búinn að gera vel síðan.
Besti þjálfarinn sem hefur þjálfað þig: Hef verið mjög heppinn með þjálfara hingað til á ferlinum og get ómögulega valið úr þeim. Arnar Halls hjálpaði mér mikið á elsta árinu mínu í öðrum flokki, fær mikið af stigum í minni bók fyrir það.
Mest óþolandi leikmaður sem þú hefur mætt: Doddi Birgis því hann er stór og hann kann hnoð.
Sætasti sigurinn: Íslandsmeistaratitillinn 2018 og þegar Pape skaut Víkingi í Pepsi deildina.
Mestu vonbrigðin: Þrír silfurpeningar á íslandsmóti í yngri flokkunum, svo situr í mér að hafa ekki farið áfram í Evrópudeildinni með Víkingi á sínum tíma, vorum grátlega nálægt því.
Uppáhalds lið í enska: Liverpool
Ef þú fengir að velja einn leikmann úr öðru íslensku liði í þitt lið: Alex Freyr Hilmarsson
Fyrsta verk ef þú yrðir formaður KSÍ: Reyna að fá auglýsingar frá veðmálasíðum í gegn fyrir deildina hérna heima, gæti verið flott tekjulind fyrir liðin.
Efnilegasti knattspyrnumaður/kona landsins: Róbert Orri Þorkelsson er örfættur og flottur.
Fallegasti knattspyrnumaðurinn á Íslandi: Tobias Thomsen, manden er helt fantastisk
Fallegasta knattspyrnukonan á Íslandi: Þegar stórt er spurt!
Besti knattspyrnumaðurinn frá upphafi: Lionel Messi
Hver er mesti höstlerinn í liðinu: Fiskurinn syndir burt með þennan titil frekar sannfærandi.
Uppáhalds staður á Íslandi: Fagrilundur.
Segðu okkur frá skemmtilegu atviki sem gerst hefur í leik: Sumarið 2015 vorum við í Víking 7-1 yfir gegn Keflavík undir lok leiks í Víkinni þegar það liggur leikmaður eftir á vellinum, Viktor Bjarki ætlar að koma boltanum út af en á sama augnabliki ætlar Halldór Smári að þrýsta honum upp vinstri hliðarlínuna. Viktor endar á að pota boltanum útfyrir en er svo jarðaður af Halla samherja sínum og félaga. Sjón er sögu ríkari en ég held að leikurinn sé á túbunni og gott ef atvikið rataði ekki á twitterinn hérna um árið, mæli með að fletta þessu upp.
Hvað er það síðasta sem þú gerir áður en þú ferð að sofa: Horfi á eitthvað sem ég hef örugglega séð áður á Netflix.
Fyrir utan knattspyrnu, fylgist þú með öðrum íþróttum: Ég fylgist mjög mikið með bæði NBA og NFL deildunum.
Í hvernig fótboltaskóm spilar þú: Eldri týpu af Nike Mercurial Vapor.
Í hverju varstu/ertu lélegastur í skóla: Klippa og líma í 1.bekk
Uppáhalds Eurovision lag frá upphafi: Draumur um Nínu
Vandræðalegasta augnablik: Á einn skrautlegan viðtalsfeil, svo er líka vert að minnast á þegar við Víkingar vorum að rétta úr kútnum eftir erfitt gengi sumarið 2015 og erum 2-0 yfir gegn Fjölni í Víkinni á 90. mínútu. Dómarinn flautar og í kjölfarið læt ég frá mér mikið fagnaðaröskur enda mjög kátur með sigurinn, dómarinn var svo bara að dæma rangstöðu.
Hvaða þrjá leikmenn tækir þú með þér á eyðieyju: Viktor Jóns til þess að lyfta þungu hlutunum og halda mönnum léttum, Anton Ara til að minna mig á að hlaða símann minn, bjóða upp á góða hæð og almennt föðurlega skynsemi síðast en ekki síst Odd Hólm leikmann Ýmis til þess að togna aftan í læri ef þess skyldi þurfa.
Sturluð staðreynd um sjálfan þig: Það fer eftir verkefninu hvaða hönd ég nota. T.d. skrifa með vinstri, kasta handbolta með hægri en skýt körfubolta með vinstri svo eitthvað sé nefnt.
Athugasemdir