Neymar er byrjaður að æfa aftur með leikmannahópi Paris Saint-Germain eftir að hafa brotið bein í fæti í 2-0 sigri gegn Strasbourg í janúar.
Í fjarveru Neymar datt PSG úr Meistaradeildinni gegn Manchester United en þetta er annað tímabilið í röð sem hann meiðist á viðkvæmum tímapunkti í Meistaradeildinni.
Brasilíski framherjinn verður líklegast orðinn leikfær á næstu vikum og mun því taka þátt í einhverjum leikjum áður en tímabilinu lýkur.
Neymar birti mínútu langt myndband á samfélagsmiðlum fyrr í kvöld þar sem hann sést rekja boltann og framkvæma einfaldar æfingar án erfiðleika.
„Mér líður vel," skrifaði Neymar með myndbandinu.
I’m feeling good 🤪 pic.twitter.com/Q2Ly8eL2d9
— Neymar Jr (@neymarjr) April 19, 2019
Athugasemdir