Will Jääskeläinen, tvítugur sonur finnsku úrvalsdeildargoðsagnarinnar Jussi Jääskeläinen, hélt hreinu í sínum fyrsta keppnisleik með meistaraflokki Crewe Alexandra í ensku C-deildinni.
Crewe lagði Yeovil Town að velli með tveimur mörkum gegn engu. Liðið siglir lygnan sjó í efri hluta deildarinnar, sex stigum frá umspilssæti þegar aðeins þrjár umferðir eru eftir.
Jussi á afmæli í dag og hefur eflaust átt skrýtinn dag. Bolton féll úr Championship deildinni, en Jussi er goðsögn hjá félaginu eftir að hafa spilað þar í 15 ár. Á sama tíma spilaði sonur hans sinn fyrsta keppnisleik fyrir Crewe.
Jussi er 44 ára í dag og lék fyrir West Ham og Wigan í enska boltanum auk Bolton. Hann lék hátt upp í 600 leiki á tíma sínum hjá Bolton.
🤲 | DEBUT: Goalkeeper Will Jaaskelainen makes his professional debut today 👏
— Crewe Alexandra F.C. (@crewealexfc) April 19, 2019
A proud moment for dad & former #EPL legend Jussi Jaaskelainen 😃#CreweAlex #BackTheBoys #DARAWA pic.twitter.com/BHWUPr7Uq1
Athugasemdir