Heimild: ÍSÍ
Lilja Alfreðsdóttir ásamt Bjarna Benediktssyni.
Ríkisstjórnin er búin að staðfesta fjárveitingu upp á 500 milljónir króna til íþrótta- og æskulýðsstarfs á Íslandi til að mæta áhrifum kórónuveirunnar.
Vinnuhópur skipaður af framkvæmdastjórn ÍSÍ, Íþróttasambands Íslands, vinnur að útfærslum varðandi skiptingu þess hluta fjársins sem rennur til íþrótta.
Guðrún Inga Sívertsen, fyrrum varaformaður KSÍ, leiðir vinnuhópinn.
Ríkisstjórnin staðfesti fjárveitinguna með þingsályktunartillögu sem var samþykkt á alþingi 30. mars.
„Það er mikilvægt að fjárveiting þessi skili sér hratt og vel út í samfélagið, svo hjólin haldi áfram að snúast og tjónið af núverandi aðstæðum verði sem minnst. Heildaráhrif COVID-19 eiga eftir að skýrast og mögulega þarf meiri stuðningur að koma til, svo þessi mikilvæga starfsemi blómstri. Við munum taka afstöðu til þess þegar frekari upplýsingar liggja fyrir,“ segir Lilja Alfreðsdóttir mennta- og menningarmálaráðherra.
Athugasemdir
