Ekkert hefur verið spilað í ítölsku úrvalsdeildinni frá 9. mars og ekki er vitað hvenær eða hvort deildin muni byrja að rúlla aftur á þessari leiktíð. Leikmenn og þjálfarar Roma munu ekki þiggja laun fyrir mars til júní.

Leikmenn Roma munu einnig hjálpa til við að borga öðrum starfsmönnum félagsins.

Guido Fienga, framkvæmdastjóri Roma, sagði: „Við tölum alltaf um samheldni hjá Roma og með þessu hafa leikmenn, þjálfarinn og hans teymi, sýnt að við erum í þessu saman."

Leikmenn hjá Juventus, Parma og Cagliari, öðrum félögum á Ítalíu, hafa samþykkt launalækkanir á þessum erfiðu tímum.