þri 19. maí 2020 11:30
Magnús Már Einarsson
Barcelona reyndi við Kane
Mynd: Getty Images
Barcelona reyndi að fá Harry Kane, framherja Tottenham, í sínar raðir í fyrra samkvæmt frétt Mundo Deportivo í dag.

Daniel Levy, formaður Tottenham, lét hins vegar skýrt í ljós að Kane væri ekki til sölu. Viðræður fóru því ekki lengra í fyrra.

Luis Suarez, aðalframherji Barcelona, er orðinn 33 ára gamall og félagið hefur verið að skoða aðra kosti í fremstu víglínu.

Hávær orðrómur er um að Barcelona kaupi Lautaro Martinez frá Inter í sumar.
Athugasemdir
banner
banner
banner