Argentínski markvörðurinn Willy Caballero hefur skrifað undir eins árs framlengingu á samningi sínum við Chelsea.

Búist var við því að þessi 38 ára leikmaður myndi yfirgefa Chelsea í sumar en hann hefur nú ákveðið að taka eitt tímabil í viðbót með liðinu.

Caballero lék níu leiki á þessu tímabili áður en því var frestað vegna kórónaveirufaraldursins.

Fimm af þeim leikjum voru í febrúar eftir að Kepa Arrizabalaga missti stöðu sína sem aðalmarkvörður tímabundið.