El Matador hefur verið góður með United á þessari leiktíð
Úrúgvæski framherjinn Edinson Cavani skoraði 10. deildarmark sitt á leiktíðinni með Manchester United í 1-1 jafnteflinu gegn Fulham í gær en óhætt er að segja að þetta hafi verið eitt af mörkum tímabilsins
Cavani, sem er 34 ára gamall, hefur komið með ferskleika inn í sóknarleik United á þessu tímabili en hann framlengdi samning sinn um ár í síðustu viku.
Hann fagnaði því svo með þessu gullfallega marki af 40 metra færi fyrir framan stuðningsmenn United á Old Trafford.
Eins og áður segir var þetta 10. deildarmark hans á tímabilinu en hann er aðeins þriðji leikmaðurinn sem er 33 ára eða eldri sem tekst að gera þetta fyrir United í úrvalsdeildinni.
Teddy Sheringham var 35 ára gamall þegar hann raðaði inn 15 deildarmörkum með United árið tímabilið 2000-2001 en Zlatan Ibrahimovic gerði gott betur tímabilið 2016-2017 þegar hann skoraði 17 deildarmörk, þá 36 ára.
Athugasemdir
