Frank Lampard var í morgun fjórði leikmaðurinn til að vera vígður inn í frægðarhöll ensku úrvalsdeildarinnar. Áður höfðu þeir Alan Shearer, Thierry Henry, Roy Keane og Eric Cantona verið vígðir inn.
Lampard er markahæsti leikmaður í sögu Chelsea og vann þrjá deildartitla á sínum leikmannaferli á Brúnni.
Lampard skoraði 177 mörk í 609 úrvalsdeildarleikjum fyrir Chelsea, West Ham og Manchester City.
Þessi fyrrum enski landsliðsmaður var valinn besti leikmaður deildarinnar tímabilið 2004/5 þegar Chelsea vann titilinn.
Lampard lék með New York City eftir feril sinn á Englandi og tók svo við stjórnartaumunum hjá Derby County. Í kjölfarið fékk hann stjórastarfið hjá Chelsea en var rekinn snemma á þessu ári. Hann hefur nú verið orðaður við starfið hjá Crystal Palace.
Athugasemdir
