Það fór líklega ekki fram hjá neinum þegar brasilíski markvörðurinn Alisson skoraði sigurmark Liverpool gegn West Brom í ensku úrvalsdeildinni um síðustu helgi.
Staðan var 1-1 þegar í uppbótartímann var komið en í uppbótartímanum skoraði markvörðurinn Alisson sigurmark Liverpool.
Trent Alexander-Arnold tók hornspyrnu sem Alisson skallaði í markið. Hann er fyrsti markvörðurinn til að skora mark fyrir Liverpool í keppnisleik frá því félagið var stofnað 1892.
Þetta var gríðarlega mikilvægt mark fyrir Liverpool í Meistaradeildarbaráttunni. Þeir geta komist upp í Meistaradeildarsæti með sigri á Burnley í kvöld.
Markvarðarsamfélagið samgladdist Alisson og fékk hann skilaboð frá Manuel Neuer, leikmanni Bayern München, eftir leik. Neuer óskaði Alisson opinberlega á Instagram og sendi þeim brasilíska einnig einkaskilaboð.
„Ég óskaði honum til hamingju og við skiptumst á skilaboðum," sagði Neuer í samtali við The Athletic. „Öllum markvörðum dreymir um að skora sigurmark... magnað, þvílíkur skalli hjá honum."
„Ég er mjög glaður fyrir hans hönd. Hann er mjög fínn gaur og það er auðvelt að samgleðjast honum."
Athugasemdir