Granit Xhaka, leikmaður Arsenal á Englandi, segist ekki á förum frá félaginu en hann hefur verið orðaður við Borussia Monchengladbach undanfarnar vikur.
Xhaka er í viðtali við RP Online þar sem hann ræðir tímabilið hjá Arsenal en þar var hann spurður út í framtíðina.
Svissneski landsliðsmaðurinn er sagður vilja heim til Þýskalands og aftur til Gladbach þar sem hann spilaði í fjögur ár við góðan orðstír en hann segir þetta rangt.
„Það eru alltaf orðrómar undir lok tímabils, það er alveg klárt en ég á enn tvö ár eftir af samningnum við Arsenal og ég er mjög ánægður með fjölskyldunni minni hér," sagði Xhaka.
Athugasemdir