Landsliðsbakvörðurinn Birkir Már Sævarsson fylgist grannt með því sem er í gangi hjá hans mönnum í Val meðan hann er í Rússlandi. Birkir var í hótelherbergi sínu og náði að horfa á síðasta leik Valsmanna, 1-0 sigurinn á ÍBV á Hásteinsvelli.
Liðsfélagi Birkis, danski varnarmaðurinn Rasmus Christiansen, fótbrotnaði illa í leiknum og verður lengi frá.
„Ég horfði á leikinn og vissi um leið að þetta væri eitthvað alvarlegt. Það var skelfilegt að sjá þetta," segir Birkir.
„Ég er búinn að heyra í honum. Aðgerðin gekk vel og nú tekur bara við langt og strangt ferli hjá gamla. Vonandi verður hann kominn fljótt á völlinn aftur. Hann hefur verið óheppinn með meiðsli en vonandi kemur hann til baka á æfingar sem fyrst."
„Rasmus er algjör toppmaður sem við viljum endilega hafa með okkur á æfingum og í leikjum."
Liðsfélagi Birkis, danski varnarmaðurinn Rasmus Christiansen, fótbrotnaði illa í leiknum og verður lengi frá.
„Ég horfði á leikinn og vissi um leið að þetta væri eitthvað alvarlegt. Það var skelfilegt að sjá þetta," segir Birkir.
„Ég er búinn að heyra í honum. Aðgerðin gekk vel og nú tekur bara við langt og strangt ferli hjá gamla. Vonandi verður hann kominn fljótt á völlinn aftur. Hann hefur verið óheppinn með meiðsli en vonandi kemur hann til baka á æfingar sem fyrst."
„Rasmus er algjör toppmaður sem við viljum endilega hafa með okkur á æfingum og í leikjum."
Valsmenn eru komnir á kunnuglegan stað, þeir eru á toppi deildarinnar. Þeir eiga leik gegn FH á morgun.
„Ég er í sambandi við strákana og reyni að horfa á alla leiki sem eru sýndir. Það er búið að ganga frábærlega, sem betur fer," segir Birkir Már Sævarsson.
Sjá einnig:
Lýsir því þegar Rasmus fótbrotnaði - Sá löppina hanga
Athugasemdir