þri 19. júní 2018 08:59
Arnar Daði Arnarsson
Sjúkraþjálfari íslenska liðsins slasaðist í hjólatúr
Icelandair
Pétur Örn hér ásamt Aroni Einari og Birki Bjarnasyni fyrir slysið.
Pétur Örn hér ásamt Aroni Einari og Birki Bjarnasyni fyrir slysið.
Mynd: Fótbolti.net - Hafliði Breiðfjörð
Emil Hallfreðsson, leikmaður íslenska landsliðsins birti myndskeið í gærkvöldi á Instagram síðu sinni þar sem sjá mátti Pétur Örn Gunnarsson, einn af sjúkraþjálfurum íslenska landsliðsins allan út í sárum.

Pétur Örn hafði skellt sér í hjólatúr en lenti í óhappi og fallið af hjólinu.

„Hjálmurinn bjargaði," sagði Emil Hallfreðsson í myndskeiðinu og Pétur tók undir þau orð og bætti við að hjálmurinn væri sennilega ónýtur.

Það er gott að ekki fór verr því Pétur Örn sinnir mikilvægu starfi hér í Rússlandi ásamt sjúkraþjálfarateymi íslenska liðsins.

Hægt er að sjá myndir af Pétri hér að neðan.
Athugasemdir
banner
banner
banner