Ásmundur Arnarsson, þjálfari Fjölnis, var að vonum ánægður með sína menn eftir leikinn gegn Þrótti í dag.
„Ég er bara ánægður eftir þennan leik, er bara ánægður með liðið og fannst við heilt yfir betri í leiknum. Eina sem vantaði kannski upp á var að skora fleiri mörk. Við sköpuðum okkur fullt af góðum færum en nýttum það ekki alveg nógu vel en gerðum nóg.“
„Ég er bara ánægður eftir þennan leik, er bara ánægður með liðið og fannst við heilt yfir betri í leiknum. Eina sem vantaði kannski upp á var að skora fleiri mörk. Við sköpuðum okkur fullt af góðum færum en nýttum það ekki alveg nógu vel en gerðum nóg.“
Lestu um leikinn: Þróttur R. 0 - 1 Fjölnir
Inntur eftir viðbrögðum eftir leik hafði Ási þetta að segja:
„Við héldum hreinu, skoruðum eitt mark og fengum 3 stig gegn einu heitasta liði deildarinnar sem er búið að vinna tvo sterka sigra undanfarið og Þróttaraliðið er hörkulið þannig ég er bara gríðarlega ánægður með þennan sigur.“
Spurður út í stöðuna í deildinni og hvort að hans menn stefndu ekki á toppsætið sagði Ási: „Auðvitað stefnum við á það og erum að vinna í því. Ánægður meðan við erum þar.“
Dómgæslan var ekki upp á marga fiska í leiknum.
„Dómgæslan er eitt af því sem við höfum ekki stjórn á og við þurfum að vinna út frá því, þeir stjórna leiknum. Þannig ég ætla ekki að kommenta meira á það."
Viðtalið í heild sinni má sjá í spilaranum hér að ofan.
Athugasemdir