Heimild: Sky Sports
Sir Alex Ferguson, sem stýrði Manchester United frá 1986 til 2013 með mögnuðum árangri, hefur hvatt félagið að ráða Steve Walsh í ráðgjafahlutverk.
United er að ráðast í breytingar á leikmannamálum sínum og vill Sir Alex að Walsh komi til starfa hjá félaginu.
Eftir því sem Sky Sports kemst hins vegar næst þá er Ed Woodward, framkvæmdastjóri United, ekki sammála ráðleggingum Sir Alex. Hann vill fá fyrrum leikmann United í starfið, en Darren Fletcher og Rio Ferdinand hafa verið orðaðir við það.
Hinn 54 ára gamli Walsh var yfirmaður leikmannamála hjá Leicester þegar félagið varð Englandsmeistari 2016. Hann fékk leikmenn eins og N'Golo Kante og Riyhad Mahrez til Leicester.
Hann starfaði síðast sem yfirmaður knattspyrnumála hjá Everton. Þar gekk honum ekki eins vel og hjá Leicester.
Athugasemdir