„Bara geggjað sko. Ekkert flóknara að lýsa því, hvað getur maður beðið um meira?'' sagði Jónas Björgvin Sigurbergsson eftir 2-1 sigur á Grindavík í dramatískum fyrsta leik Lengjudeildarinnar.
Lestu um leikinn: Þór 2 - 1 Grindavík
„Ég held að þetta hafi verið að langmestu leyti frekar "solid", á köflum slitnuðum við of mikið síðustu 30 mínúturnar í fyrri hálfleik en eftir að ég kem inná þá fannst mér þetta mjög "solid". Þeir einhvernveginn ógna okkur ekki neitt. Hefði viljað halda meira í boltann, þá hefðum við hugsanlega skorað fleiri mörk,'' bætti Jónas við.
Mikið var talað um það fyrir mót að Jónas ætlaði hugsanlega að taka sér frí frá fótbolta, hann tjáði sig um það umtal og talaði um þankagang sinn.
„Já, það hvarflaði alveg að mér sko. Þetta var fyrsta heila æfingavikan mín í 10 mánuði. Búinn að vera í skóla, gera svolítið aðra hluti og fengið frelsi frá þjálfaranum til að gera það. Það var bara pínu erfitt að mótivera sig aftur í gang, en svo hlýðir maður bara Palla og mætir á æfingar og þá gerast góðir hlutir hægt.''
Líklega hefur sigurmark Þórs einungis styrkt hann í þeirri sannfæringu að hann tók rétta ákvörðun um að taka slaginn?
„Þetta er það sem að heldur manni í þessu, mér finnst ekkert sérstaklega gaman að mæta á æfingar á hverjum degi, en það er þetta "buzz" í þessar nokkrar sekúndur og allir glaðir saman sem heldur manni í þessu. Mig langar ekkert að hætta núna!''
Athugasemdir