„Virkilega ánægður, erfiður útivöllur að koma á'' sagði kátur Sigurður Heiðar Höskuldsson þjálfari Leiknis eftir 1 -3 sigur á Þrótti í fyrstu umferð Lengjudeildarinnar
Lestu um leikinn: Þróttur R. 1 - 3 Leiknir R.
„Við vissum það að Þróttararnir yrðu mjög skipulagðir á móti okkur og það gekk brösulega að brjóta þá og spila í gegnum þá. Við vissum það að þeir yrðu þéttir þannig að við þurftum að finna lausnir við því á æfingasvæðinu''
Undirbúningstímabilið hefur verið í lengra lagi á þessu sumri sökum COVID19. Það hefur því gefist nógur tími fyrir knattspyrnuáhugamenn að spá og spekúlera fyrir komandi tímabíl. Leiknir hefur verið spáð í kringum 4-5.sæti en Sigurður segir að Leiknir ætli sér að fara upp um deild.
„Við stefnum á að vera í toppbaráttu og fara upp''
Flestir telja að deildin verði jafnari í sumar en oft áður og nokkur lið geri tilkall til þess að fara upp. Sigurður tekur undir það. „Mörg lið sem eru að fara að gera atlögu að þessu þannig að við þurfum að vera á tánum í hverjum einasta leik''
Sigurður er sáttur með leikmannahópinn og segir Leikni ekki ætla að leita að fleiri leikmönnum. „Nei alls ekki, hópurinn er klár''
Athugasemdir