Einherji vann fyrsta leik sinn í 2. deild kvenna í dag eftir dramatískar lokamínútur í 2-1 sigri á KÁ á Ásvöllum.

Ekkert var skorað í fyrri hálfleiknum en fyrsta mark dagsins kom ekki fyrr en tíu mínútum fyrir leikslok og var það Borgildur Arnarsdóttir sem gerði það fyrir gestina.

Kristín Inga Vigfúsdóttir jafnaði metin sjö mínútum síðar og virtist ætla að koma í veg fyrir fyrsta sigur Einherja en Bernadett Viktoria Szeles hélt þó ekki og skoraði undir lok leiksins.

Mikilvæg þrjú stig sem Einherji nær í og nú er liðið komið upp í 10. sæti með 3 stig á meðan KÁ er í neðsta sætinu og án stiga eftir fjóra leiki.