Everton hefur mikinn áhuga á úkraínska vinstri bakverðinum Oleksandr Zinchenko sem er leikmaður Manchester City.
Pep Guardiola þarf að búa til pláss í leikmannahópi Man City og þar af leiðandi er Zinchenko, einn af fáum vinstri bakvörðum félagsins, falur í sumar. Guardiola vill kaupa Marc Cucurella, vinstri bakvörð Brighton sem kostar um 50 milljónir punda.
Nathan Aké og Joao Cancelo geta einnig spilað í vinstri bakvarðarstöðunni en þeir spila aðrar stöður að upplagi.
Zinchenko, 25 ára, hefur spilað 128 leiki á fimm árum hjá Man City, þar af 28 á síðustu leiktíð.
Hjá Everton myndi Zinchenko berjast við samlanda sinn Vitaliy Mykolenko um vinstri bakvarðarstöðuna.
Athugasemdir
