Liverpool staðfesti fyrr í dag kaup á Calvin Ramsay, 18 ára hægri bakverði frá Skotlandi.
Liverpool borgar rúmlega 4 milljónir punda fyrir Ramsay sem var algjör lykilmaður í liði Aberdeen á síðustu leiktíð.
„Það er enginn vafi að þetta er spennandi tækifæri fyrir Calvin og fjölskylduna hans. Akademían hérna í Aberdeen á skilið mikið hrós fyrir að þróa Calvin og gera hann að þeim leikmanni sem hann er í dag," sagði Jim Goodwin, knattspyrnustjóri Aberdeen.
„Liverpool eru mjög heppnir að krækja í Calvin. Tölfræðin hans á fyrri hluta tímabils var ótrúleg, hann var einn af bestu bakvörðum í heimi fyrir áramót.
„Ég hef engar efasemdir um að hann muni bæta sinn leik enn frekar hjá frábæru félagi eins og Liverpool."
Athugasemdir
