Phil Jones, varnarmaður Manchester United, er eftirsóttur af þremur félögum í ensku úrvalsdeildinni.
Jones, sem er 30 ára gamall, hefur verið á mála hjá United frá 2011 er hann kom frá Blackburn Rovers.
Hann hefur upplifað tímana tvenna hjá félaginu en Sir Alex Ferguson var stjóri liðsins er hann gekk í raðir United.
Síðustu ár hefur hann glímt við erfið meiðsli en hann snéri aftur á völlinn með aðalliðinu í byrjun árs er hann spilaði allan leikinn gegn Wolves.
Hann fékk aðeins fjóra leiki í deildinni á síðustu leiktíð en er nú á förum.
MARCA segir frá því í dag að fjögur lið í ensku úrvalsdeildinni eru á eftir leikmanninum en það eru Southampton, Leeds og Fulham.
Fulham er í bílstjórasætinu sem stendur. Það var fyrst greint frá þessu fyrir fjórum vikum en nú eru málin farin að þróast og má gera ráð fyrir frekari fregnum á næstu dögum.
Athugasemdir