sun 19. júní 2022 22:24
Brynjar Ingi Erluson
Vlasic á leið til Ítalíu
Nikola Vlasic í leik með West Ham
Nikola Vlasic í leik með West Ham
Mynd: EPA
Króatíski sóknartengiliðurinn Nikola Vlasic er á leið á láni til Torino frá West Ham en þetta kemur fram í króatískum fjölmiðlum í dag.

Vlasic er 24 ára gamall og kom til West Ham frá CSKA Moskvu á síðasta ári en tókst engan veginn að finna sig hjá enska liðinu.

Hann spilaði 552 mínútur í 19 leikjum og gerði aðeins eitt mark en hann er nú á förum frá félaginu.

Samkvæmt króatískum fjölmiðlum hefur Torino komist að samkomulagi við West Ham um að fá hann á láni út leiktíðina.

Vlasic er fastamaður í króatíska landsliðinu og ákvað því að fara annað í leit að spiltíma til að vera klár fyrir HM í Katar.
Athugasemdir
banner
banner