Hörður Björgvin Magnússon í leik með Cesena gegn Roma.
Undanfarin 16 ár hafa 153 ítölsk knattspyrnufélög farið í gjaldþrot eða þurft að sameinast öðrum félögum. Þetta byrjaði allt þegar Fiorentina var rekið í þrot 2002.
Fyrr í vikunni var staðfest að B-deildarlið Bari og Cesena væru gjaldþrota. Bæði lið eiga sterkan grunn stuðningsmanna og var Bari síðast í Serie A tímabilið 2010-11 og Cesena 2014-15.
Samkvæmt þessari tölfræði hafa rétt tæplega 10 knattspyrnufélög lýst yfir gjaldþroti á hverju tímabili síðan 2002. Á þessu ári hafa Akragas, Modena, Mestre, Reggiana, Andria og Vicenza farið í gjaldþrot eða þurft að sameinast öðrum félögum.
Búist er við að nokkur félög lýsi yfir gjaldþroti á næstu vikum og eru Cuneo, Matera, Pro Piacenza og Avellino sérstaklega í hættu.
Bari og Cesena þurfa að skipta um nafn og eigendur til að fá að byrja uppá nýtt í ítölsku D-deildinni. Borgarstjórar Bari og Cesena fá nú vald yfir sitt hvoru félaginu og þurfa að finna nýja eigendur vilji liðin ekki hverfa af kortinu.
Four years ago, #Bari drew over 50,000 fans for a play-off match with #Latina pic.twitter.com/fNuTFrWYe0
— footballitalia (@footballitalia) July 16, 2018
Athugasemdir
